下一站中環BEATNIKS

今期HK Magazine介紹到香港好幾間賣secondhand衫的舖頭，當中看到位於天后清風街的BEATNIKS，才發覺自銅鑼灣舖和尖沙咀利時舖結業後已再沒到過光顧了。其實自己是甜姨姨的常客，正常應該都會順腳走過隔鄰瞧一瞧，只是毎次都是夜飯後才會到，當然已經落閘啦。這個星期天下午又很有空，就專誠去一趟，反正剛從NY回來，購自H&M的一條天藍色洗水褲還沒找到有合適顔色的上衣去配襯，看看可找到些靚Tee啦。不知是否星期日的關係，見不到肥佬老闆，但依然見到老闆娘在看舖，依然是吋下吋下兇兇人的模樣，你一走進去，她都會先盯著由頭望到你落腳，hahaha...but I like her.

可能是現舖地方頗小，不像以前那麼寬敞，故貨種與件數自然比不如前。Tee最後就找不到喇，但為了支持一下，最後試了才挑了一件印花襯衫，顏色和pattern都好看，但袖夾太鬆動了，要修修。

埋單時老闆娘説：「喂，見你好熱喎，流晒汗咁，似乎你今日着錯衫，件野都有D厚，洗唔洗換埋件衫呀？」
TL：「哽係熱啦，你舖頭冷氣都唔開！」
老闆娘：「無市丫嘛！」
TL:　「呵…真係咁！？我好耐無嚟你地呢度幫襯喇，今日特登嚟睇吓。」
老闆娘指着單據上的新地址(32 Graham Street, Central)：「如果你以後仲想嚟BEATNIKS的話，就去中環呢度。」
TL:　「又搬？乜嘉咸街唔係要拆咩？」
老闆娘：「政府D野話唔埋。」
TL：「Hahaha... 好好！遲D再嚟，永遠支持，撐住！」

之後順道去美華士逛逛，自己要的東西終於找到了，兩件Tee再加1條Wangler Jeans，$280有找，超筍!

其實真的很懷念BEATNIKS最早位於珀麗酒店後面的大store，每次去到都會好興奮，若有朝一日她可以再重回舊地留低就好了。Anyway，下一站中環。